上一則 【蝸居百科】Happy Life Happy House
下一則 【蝸居百科】家有一老 如有一寶
0
0

【蝸居百科】買單定買雙?

【now.com地產】香港人其實都好鍾意飲飲食食,簡中仲會喺廚房玩吓「煮飯仔」咁,所以廚房嘅重要性,唔會比客廳或者睡房低。

除咗煮食爐之外,鋅盤(kitchen sink)係廚房裡面一個重點設備,因為煮食及飯後,六、七成嘅時間都係同鋅盤為伍。

蝸居細、廚房都細,所以順理成章咁諗,要慳地方,廚房必然用單鋅盤;但係如果有日你屋企大裝修,你係唔係可以坐低考慮一吓,為廚房換返個雙鋅盤?

一個較大嘅單鋅盤,乜嘢都放得落,洗起瓜菜、煲、鑊嚟當然方便;不過單鋅盤用水不知不覺係多咗;而且得一個盤,要同時處理兩種唔同嘅食材,就認真唔方便。

一般雙鋅盤都係分大鋅盤同埋小鋅盤一對,可以產生功能分區作用。洗蔬菜、水果、或者碗筷,體積較小,就小星盤,咁就會慳水啲,小數怕長計呀!要洗湯煲、大鑊等,先至用大鋅盤。

其次,單鋅盤只有一個去水口,一旦塞咗,鋅盤就費武功。雙鋅盤就有後備作用,一個塞咗,仲可以立刻用另一個頂替。

第三,單鋅盤洗完啲肥膩肉類等,要先清潔鋅盤,先至可以再洗蔬菜、水果等。雙鋅盤就可以兩者分開個別處理,方便得多。

所以,蝸居廚房雖小,但係如果可以,都係換返個雙鋅盤,長遠嚟計係明智之舉。

蝸居達人邵存希