上一則 【樓宇法律】違契養狗
下一則 【樓宇法律】業權可以霸返嚟架
0
0

【樓宇法律】業主默許劏房 租上租勝訴

【now.com地產】一般住宅租約,裡面都有「租客在沒有業主書面同意前,不得對該物業作任何改動。」同埋「租客不得轉讓、轉租或分租該物業予其他人等。」嘅條款;不過,有時嘅情況又有啲難講嘅。

某同鄉會,以一間註冊公司嘅形式運營。幾年前,以業主身份簽咗一份四年長嘅住宅租約畀個鄉理,嗰份租約當時由一名董事代表業主簽署,並且蓋上咗業主嘅印章。

後來,同鄉會內部分裂成為兩派,各自召開會員大會,要選出自己嘅董事,但係兩派都選出同樣兩個人做公司董事。

兩個新董事向土地審裁署提出申請,要求收回物業,原因係租約期滿,同埋個鄉理將單位間開做「劏房」分租,因而違反租約。

鄉理提出反對,將另一份新租約呈堂,而新租約係由嗰兩個新董事簽訂,又蓋上咗業主嘅印章。

鄉理又話,業主一直知道並且默許佢經營劏房,並且更加要徵用其中一間劏房作為同鄉會儲物室之用。

法官認為,嗰兩個新董事確認佢地獲得董事會授權去簽租約,而同鄉會身為業主亦一直有收取新租約之下嘅租金;再者,業主知道並且默許劏房分租,更加喺劏房情況中得到好處,所以判同鄉會收樓敗訴。

(土審署案件編號:LDPD 2125/2012)

香港測量師學會會員陳家欣