上一則 【城規建設】贏在起跑線
下一則 【城規建設】填平船灣淡水湖就得啦咩?
0
0

【城規建設】泊車暢通易達

【now.com地產】我有一位好朋友,因為細個喺外國讀書時,發生車禍,佢嘅左手就永久傷殘;不過,佢而家喺香港,只用右手揸一架為傷殘人士改裝嘅私家車,手法純熟,靈活自如,比我兩手健全嘅人,駕駛技術仲要高超。

其實,香港現時有大概唔到2,000個領有「傷殘人士泊車許可證」嘅司機,可以享用1,500cc以下汽車豁免首次登記稅同牌費,同埋汽油免稅等嘅優待。

仲有,最方便嘅係可以免費泊傷殘人士專用嘅路邊車位,不過每次唔能夠超過24小時。

至於喺住宅、商業同埋工貿嘅發展項目裡面,根據《建築物(規劃)規例》,如果有泊車位提供,就要預留足夠數目畀傷殘人士使用。傷殘司機專用嘅泊車位,又叫「暢通易達泊車位」。

暢通易達泊車位比例。

喺停車場入口無遮擋視線範圍內嘅當眼處,要豎立指示牌,標明「暢通易達泊車位」嘅位置,叫司機坐喺座位就可以睇到。

「暢通易達泊車位」要放置喺平地上面,闊度至少3.5米,位置要喺出入口附近,目的係要司機喺無太大困難之下上車落車,同埋去到目的地。

暢通易達泊車位闊度圖一。
暢通易達泊車位闊度圖二。

身體傷殘,已經係好不幸,喺城市建築規劃上多啲畀傷殘嘅司機方便,實在十分應該。

香港測量師學會會員陳家欣