上一則 【城規建設】「爆水管」將成絕響
下一則 【城規建設】調高地積比率以增加宅供應
0
0

【城規建設】斜坡危機處處

【now.com地產】「618雨災」:時為 1972年6月,香港多日連綿大雨,終於喺18日,港島半山旭龢道、干德道大幅山泥傾瀉,半幢「旭龢大廈」被削去,造成156人死亡、117人受傷嘅慘劇,係香港歷史上死亡人數最多嘅斜坡倒塌災難。

喺香港島同九龍半島,好多大廈都係密麻麻咁依山建築。自從「618雨災」,政府對維護斜坡嘅穩定性,極其睇重!

首先,政府將維護斜坡嘅責任,放咗喺業主身上。業主有法律責任為喺地界內同埋依附地界嘅斜坡,進行穩定評估同修護工程。

位於政府土地嘅斜坡,政府都不斷會進行斜坡維護工程。土木工程拓展署喺2000年開始,透過「延續十年防止山泥傾瀉計劃」,完成咗優先要鞏固嘅斜坡;跟住又展開咗「長遠防治山泥傾瀉計劃」,鞏固有潛在風險嘅斜坡。

拓展署建立咗一個「斜坡資訊系統」,載有全港嘅斜坡穩定性同維護工程嘅數據,畀公眾查詢。

「斜坡資訊系統」網頁版面

今日,大型山泥傾瀉事件,已經絕跡。但係,天氣日見變化極端、人口增加引致建築密度增加,加上斜坡日漸老化,山泥傾瀉嘅風險永遠存在;大家要加強警惕,防患未然。

香港測量師學會會員陳家欣