上一則 【城規建設】夏天為大地帶來汗水
下一則 【城規建設】電車被消失
0
0

【城規建設】釋放棕地潛力

【now.com地產】位於元朗一帶嘅棕地,一直都被視為龐大可發展成為社區或者房屋嘅土地來源。

雖然社會爭論不休,但係棕地依舊,皆因喺目前嘅規劃下,棕地多數只能用作擺於貨櫃、修理汽車、五金回收等高污染嘅用途,既唔環保,又浪費土地資源。

其實,政府大可以考慮採用改變土地用途規劃,來提升土地發展潛力。舉一個例來講,喺元朗錦田公路一帶,喺目前嘅《石崗計劃大綱核准圖(S/YL-SK/9)》裡面,喺劃咗做「工業(丁類)( Industrial (D), i.e., I(D))」,經常准許嘅用途只係包括低檔次嘅貨物裝卸、露天貯物、汽車修理工場、貨倉等低檔次用途。

石崗分區計劃大綱核准圖。

其實,政府可以考慮將規劃改為「其他指定用途(商貿)( Other specified uses (Business)),用途可以括食肆、教育機構、資訊科技及電訊業、辦公室、娛樂場所、康體文娛場所、私人會所、宗教機構、學校、商店及服務行業等,工業區變商業區,土地價值立刻提升。

其他指定用途(商貿)表。

地主喺經濟誘因下,必然樂於將棕地發展成為高檔嘅商業樓宇,土地潛力就可以釋放。

香港測量師學會會員陳家欣